சுப்ரீம் கோர்ட்டின் சாதகமான தீர்ப்பால் உற்சாகம்- டெல்லி அ.தி.மு.க. அலுவலகத்தை எடப்பாடி பழனிசாமி விரைவில் திறக்கிறார்
சுப்ரீம் கோர்ட்டின் சாதகமான தீர்ப்பால் உற்சாகம்- டெல்லி அ.தி.மு.க. அலுவலகத்தை எடப்பாடி பழனிசாமி விரைவில் திறக்கிறார்
அ.தி.மு.க.வில் ஏற்பட்டிருந்த குழப்பம் காரணமாக அலுவலக திறப்பு விழா தள்ளிப்போய் கொண்டே இருந்தது.
ஓ.பன்னீர்செல்வம் தரப்பினர் டெல்லி அ.தி.மு.க. அலுவலகத்துக்கு ஏதாவது ஒரு வகையில் முட்டுக்கட்டை போடலாமா? என்பது பற்றி ஆலோசித்து வருவதாகவும் தகவல்கள் வெளியாகி உள்ளன.
அ.தி.மு.க.வில் இடைக்கால பொதுச்செயலாளராக எடப்பாடி பழனிசாமிக்கு அங்கீகாரம் கிடைத்த நிலையில் ஈரோடு கிழக்கு தொகுதி தேர்தலிலும் அ.தி.மு.க. இரட்டை இலை சின்னத்தில் களம் கண்டிருப்பதை இரட்டை வெற்றியாகவே அக்கட்சியினர் கொண்டாடி வருகிறார்கள்.
தேர்தல் ஆணையத்தால் அங்கீகரிக்கப்படும் கட்சிகள் டெல்லி அலுவலகம் கட்டிக்கொள்வதற்கு மத்திய அரசு இடம் ஒதுக்கி கொடுத்துள்ளது.
எடப்பாடி பழனிசாமி முதலமைச்சராக இருந்தபோது டெல்லியில் அ.தி.மு.க. அலுவலகம் கட்டுவதற்கு அடிக்கல் நாட்டப்பட்டது.
இதைத்தொடர்ந்து ரூ.8 கோடி செலவில் கட்டுமான பணிகள் மேற்கொள்ளப்பட்டன. இந்த பணிகள் அனைத்தும் முடிவடைந்து டெல்லி அ.தி.மு.க. அலுவலகம் திறப்பு விழாவுக்காக தயார் நிலையில் உள்ளது.
இருப்பினும் அ.தி.மு.க.வில் ஏற்பட்டிருந்த குழப்பம் காரணமாக அலுவலக திறப்பு விழா தள்ளிப்போய் கொண்டே இருந்தது. இந்த நிலையில்தான் அ.தி.மு.க. இடைக்கால பொதுச்செயலாளராக எடப்பாடி பழனிசாமிக்கு சுப்ரீம் கோர்ட்டு அங்கீகாரம் அளித்துள்ளது.
இதையடுத்து மிகுந்த உற்சாகத்துடன் இருக்கும் எடப்பாடி பழனிசாமி இந்த சந்தோசத்தை கொண்டாடும் வகையில் டெல்லி அ.தி.மு.க. அலுவலகத்தை விரைவில் திறந்து வைக்க உள்ளார்.
அதற்கான பணிகளை அ.தி.மு.க. மூத்த நிர்வாகிகள் மேற்கொண்டு வருகின்றனர். ஏப்ரல் மாதம் திறப்பு விழா நடைபெறும் என்று எதிர்பார்க்கப்படுகிறது.
இதற்கிடையே ஓ.பன்னீர்செல்வம் தரப்பினர் டெல்லி அ.தி.மு.க. அலுவலகத்துக்கு ஏதாவது ஒரு வகையில் முட்டுக்கட்டை போடலாமா? என்பது பற்றி ஆலோசித்து வருவதாகவும் தகவல்கள் வெளியாகி உள்ளன.
சுப்ரீம் கோர்ட்டில் எடப்பாடி பழனிசாமிக்கு ஆதரவாக தீர்ப்பு வந்த பிறகும் ஓ.பி.எஸ். தரப்பில் தேர்தல் ஆணையத்தில் எடப்பாடி பழனிசாமிக்கு எதிராக மனுதாக்கல் செய்யப்பட்டிருப்பது குறிப்பிடத்தக்கது.
அடுத்தகட்ட பாய்ச்சலுக்கு தயாராகும் எடப்பாடி பழனிசாமி: ஓ.பி.எஸ். - டி.டி.வி.தினகரன் ஆட்களை இழுக்க வியூகம்
அ.தி.மு.க.வில் விடுபட்டு உள்ள பதவிகள் என்னென்ன என்பதை கண்டறிந்து அந்த பதவிகளை கட்சிக்காக உழைத்த நபர்களுக்கு வழங்கவும் எடப்பாடி பழனிசாமி முடிவு செய்துள்ளார்.
அதிரடி நடவடிக்கைகள் மூலமாக அடுத்தகட்ட பாய்ச்சலுக்கு எடப்பாடி பழனிசாமி தயாராகி வருவதாக கட்சியின் மூத்த நிர்வாகிகள் தெரிவித்துள்ளனர்.
அ.தி.மு.க. இடைக்கால பொதுச் செயலாளராக எடப்பாடி பழனிசாமி தேர்வு செய்யப்பட்டது செல்லும் என்று சுப்ரீம் கோர்ட்டு அளித்திருக்கும் தீர்ப்பு அவரது ஆதரவாளர்களை உற்சாகத்தில் ஆழ்த்தியுள்ளது. இதை தொடர்ந்து அ.தி.மு.க.வை முழுமையாக தனது கட்டுப்பாட்டுக்குள் கொண்டுவர திட்டமிட்டுள்ள எடப்பாடி பழனிசாமி இது தொடர்பான வேலைகளை முடுக்கி விட்டுள்ளார்.
இடைக்கால பொதுச் செயலாளராக தேர்வு செய்யப்பட்டது செல்லும் என்கிற சுப்ரீம் கோர்ட்டின் தீர்ப்பு விவரங்கள் அடங்கிய மனுவை தேர்தல் ஆணையத்தில் தாக்கல் செய்து அங்கு உரிய அங்கீகாரத்தை பெற்றிட வேண்டும் என்பதில் எடப்பாடி பழனிசாமி தீவிரம் காட்டி உள்ளார்.
இந்த பணிகள் முடிவடைந்தால் மட்டுமே கட்சி தனது முழு கட்டுப்பாட்டுக்குள் வந்துவிட்டதாக அர்த்தம் என்றும் எனவே அப்பணிகளை விரைந்து மேற்கொள்ளுங்கள் எனவும் அ.தி.மு.க. வழக்கறிஞர்களிடம் எடப்பாடி பழனிசாமி அறிவுறுத்தி உள்ளார். இதையடுத்து அது தொடர்பான பணிகள் முழு வீச்சில் மேற்கொள்ளப்பட்டு வருகிறது.
இதனை தொடர்ந்து அ.தி.மு.க.வில் விடுபட்டு உள்ள பதவிகள் என்னென்ன என்பதை கண்டறிந்து அந்த பதவிகளை கட்சிக்காக உழைத்த நபர்களுக்கு வழங்கவும் எடப்பாடி பழனிசாமி முடிவு செய்துள்ளார். இது தொடர்பான பணிகளும் முழு வீச்சில் நடைபெற்று வருகின்றன.
அ.தி.மு.க. ஆட்சியில் கொண்டுவரப்பட்ட மக்கள் நலதிட்டங்கள் பற்றியும் அதில் என்னென்ன திட்டங்கள் தி.மு.க. அரசு செயல்படுத்தாமல் உள்ளது என்பது பற்றியும் மக்கள் மத்தியில் விரிவாக எடுத்துக் கூறவும் நிர்வாகிகள் மற்றும் தொண்டர்களுக்கு எடப்பாடி பழனிசாமி அறிவுறுத்தி இருக்கிறார். இதற்காக அ.தி.மு.க. ஐ.டி. அணியை மேலும் பலப்படுத்தி அதன் மூலமாக இதுபோன்ற பிரசாரங்களை மக்கள் மத்தியில் கொண்டு செல்ல வேண்டும் என அறிவுறுத்தப்பட்டுள்ளது.
அ.தி.மு.க.வில் இளைஞர்களுக்கு மேலும் முக்கியத்துவம் அளிக்கும் வகையில் அவர்களை பல்வேறு பொறுப்புகளில் அமர்த்தவும், கணினி அறிவு மிகுந்த இளைஞர்கள் மற்றும் இளம்பெண்களை ஐ.டி. அணியில் அதிகம் சேர்க்க வேண்டும் என்றும் கட்சி நிர்வாகிகளுக்கு அ.தி.மு.க. தலைமை சார்பில் பல்வேறு அறிவுரைகள் வழங்கப்பட்டுள்ளன.
இப்படி கட்சியின் நலனுக்காக அனைத்து அணிகளை சேர்ந்தவர்களும் முழு மூச்சுடன் பணியாற்றி பாராளுமன்ற தேர்தலுக்கு தயாராக வேண்டும் என்றும் தெரிவிக்கப்பட்டுள்ளது.
இப்படி தனது அதிரடி நடவடிக்கைகள் மூலமாக அடுத்தகட்ட பாய்ச்சலுக்கு எடப்பாடி பழனிசாமி தயாராகி வருவதாக கட்சியின் மூத்த நிர்வாகிகள் தெரிவித்துள்ளனர்.
அதே நேரத்தில் ஓ.பன்னீர்செல்வம், டி.டி.வி. தினகரன் தரப்பில் அதிருப்தியில் இருக்கும் நபர்களை தங்கள் பக்கம் இழுத்து அவர்களுடன் இணக்கமாக பணியாற்ற வேண்டும் என்றும் மாவட்ட செயலாளர்கள் மற்றும் நிர்வாகிகளிடம் தெரிவிக்கப்பட்டுள்ளது.
அ.தி.மு.க. தலைமைக்கான போட்டியில் ஓ.பன்னீர்செல்வம் கடும் பின்னடைவை சந்தித்து இருப்பதால் அவருடன் இருக்கும் நிர்வாகிகள் பலர் தங்களுக்கு இனி எதிர்காலம் இருக்குமா? என்கிற சந்தேக கேள்வியுடனேயே இருந்து வருகிறார்கள்.
இப்படி ஊசலாட்ட மனநிலையில் டி.டி.வி.தினகரனின் அம்மா மக்கள் முன்னேற்ற கழக நிர்வாகிகள் மற்றும் கட்சியில் இருந்து ஒதுங்கி நிற்கும் நபர்கள் ஆகியோரையும் அடையாளம் கண்டு மீண்டும் தாய் கழகமான அ.தி.மு.க.வில் சேர்க்கவும் அ.தி.மு.க. தனித்து வியூகம் அமைத்து செயல்பட தொடங்கி உள்ளது.
இப்படி கட்சியை வலுப்படுத்த தேவையான நடவடிக்கைகளை மேற்கொண்டு வரும் எடப்பாடி பழனிசாமி பொதுச்செயலாளர் தேர்தலை நடத்தி அதில் வெற்றி பெறுவதற்கான வேலைகளையும் முடுக்கி விட்டுள்ளார்.
Comments
Post a Comment